Mention de la pièce

Misericordiam tuam, Domine sancte, Pater omnipotens, eterne Deus, pietatis affectu rogare pro aliis cogimur, qui pro nostris supplicare peccatis nequaquam sufficimus. Tamen de tua confisi gratuita pietate et solita benignitate deposcimus, ut animam famuli tui N., ad te reuertentem cum pietate suscipias. Adsit ei angelus testamenti tui Michael, et per manus sanctorum angelorum tuorum, inter sanctos et electos tuos, in sinibus Abrahe, Isaac et Iacob, patriarcharum tuorum, eam collocare digneris, quatenus liberata de principibus tenebrarum et de locis penarum, nullis iam primeue natiuitatis, uel ignorantie, aut proprie iniquitatis seu fragilitatis confundatur erroribus, sed agnoscatur a tuis, et sancte beatudinis requie perfruatur, atque cum magni iudicii dies aduenerit, inter sanctos et electos tuos resuscitatus, gloria manifeste contemplationis tue perpetuo satietur (A39, fol. 21r)